莊思明炒車Total Loss楊明又捽又呵


2017-10-08 07:00

跟蹤提及過的人和物:

上一則新聞: 王敏德載「波妹」遊機河

 

有十一年駕駛經驗的藝人莊思明,日前於金鐘駕車時發生意外,其座駕更TotalLoss,她撞致周身瘀傷,幸沒有大礙,但已令男友楊明大呼心痛,更替她捽去瘀膏呵番。

藝人莊思明19歲便考獲車牌,有多年駕駛經驗的她,日前不幸發生車禍,她駕駛至金鐘落橋掟彎時撞車,令到周身瘀傷,雖然首次撞車令她花容失色,幸而沒有大礙。

落雨掟彎煞唔切



昨日思明於社交網留言並上載瘀傷照:「架車撞到totallost(loss),但我除咗撞瘀手腳之外竟然一啲事都無!俗語有話『大難不死必有後福』,希望我嘅後福唔會太後先降臨,以後真係要小心揸車啦!因為唔係每次意外都咁好彩!」不少網友叫她多休息,又叫楊明做「柴可夫」及呵番女友,另有網友重提楊明之前拍戲曾炒過電單車,指兩口子同病相憐。

思明接受訪問時坦言數日前的凌晨時分,其座駕於金鐘落斜,可能當時落完雨,地面好跣,而她又開得太快,故掟彎落橋時煞掣不及,最終撞了落個彎位,她說:「架車斷晒兩條軸,車房都話冇得整,冇嗰啲零件,就算整番都好貴。警察嚟到時,佢哋一路搵架車擺喺我架車後面,之後幫我Call拖車,叫我企埋馬路邊,因為驚其他車睇唔到我有危險。」她表示此座駕已跟她五、六年,故很不捨得:「之前雖然成日話要換車,但依家真係好唔捨得,我諗住佢退休先搵個新歡!點知依家佢離我而去。」

目前思明正拍攝無綫劇集《是咁的,法官閣下》,問到要否停工休息時,她說:「唔使,我真係冇乜事,除咗瘀咗,行得食得瞓得,連醫院都冇去,自己搽啲去瘀膏算。」問到男友楊明有否很擔心,她說:「佢話好心痛,叫我小心啲,同埋幫我捽去瘀膏。」

文:影視組

贊助商:

討論:
分享: