別了陳文輝!薛家燕遺憾冇探病 杜琪峯難忘無私教授


2017-10-12 07:00
上一則新聞: 周永恒靈堂祭嫲嫲難忘美味牛脷

 

化妝大師陳文輝早前因病逝世,大半生效力無綫的他在圈中廣結人緣,昨日獲不少無綫新舊同僚前來送別。藝人薛家燕表示早前忙於工作而未能探望對方,令她留有遺憾;導演杜琪峯則難忘對方教化妝。

化妝大師陳文輝於中秋節病逝,享年81歲,其家人昨日於紅磡一間殯儀館為他設靈,靈堂上方橫匾寫上「德高望重」,陳文輝的第二任妻子Deborah、長子陳志光及次子陳志達等一早到靈堂打點。陳文輝在圈中人緣甚廣,數十藝人送上花牌向他作最後道別,當中包括徐小鳳、汪明荃、鄭少秋、白雪仙等;而一眾無綫的新舊同事何麗全、吳雨、何定鈞、陳志雲、李添勝、藝人李司棋、薛家燕、狄龍、羅蘭、石修等到場送別。場內亦派發悼念冊,內有陳文輝的生平,以及家人、藝人所寫的悼詞。

陳志達:望技術可傳承



陳志達表示爸爸對子女、孫兒的愛從不偏心,又指他患病期間接受事實,並不悲觀,父親在化妝界桃李滿門,陳志達希望其化妝技術可以傳承下去。藝人薛家燕做童星時已由對方化妝,後來拍攝《真情》再次重遇,她說:「當時好徬徨,佢都有安慰我。其實我六、七月已知佢身體不適,但當時自己都忙到病咗,所以探唔到佢,有啲遺憾。」

李司棋讚絕頂聰明



導演杜琪峯亦有現身靈堂,他表示與陳文輝認識40多年,加入TVB時已相識:「化妝都係輝哥教我,佢對我特別好,當年我冇錢買化妝品,佢就執一套畀我!」直言對方是一直支持他的人,來到送別對方亦覺得感觸。

李司棋則大讚陳文輝絕頂聰明,教曉她不少應對特別事情的方法,是另類老師。問對方是否曾為她出頭?她說:「又冇講到咁嚴重,但見到不平事,佢都會為我出聲,佢係一個好Sweet嘅人,我視佢為前輩。」

文:影視組

贊助商:

討論:
分享: