單親媽媽 放開懷抱 王瑋開騷做等愛的女人


2017-10-13 07:00

跟蹤提及過的人和物:

上一則新聞: 祖兒Jumpsuit勝在夠「離地」

 

前亞姐王瑋對音樂充滿熱誠,11月將在香港舉行音樂會,身為單親媽媽的她日前偕老友陳昭昭及王維德Jam歌,王瑋坦承自己特別渴望愛,連音樂會都以「等愛的女人」為主題!

王瑋繼年前在香港舉行演唱會,下月將再接再厲,她說:「今次叫『見證音樂會』,因為我返香港幾年,呢個年紀仲可以走上舞台,係好感恩,所以想喺個騷度作見證!雖然我係獨生女,由細就獨立,但始終一個單親媽媽喺香港,加上年紀唔細,有段日子為咗面子關係,唔敢企出嚟,但依家我學識交畀主!」

為找真愛搶花球



問到等愛是否王瑋的心聲?她說:「我係特別渴望愛嘅人,由細到大不停追求愛,親情、友情、愛情嘅愛,仲有造物主嘅愛,之前因要照顧個仔,冇諗感情事,依家會想有個肩膊畀我倚靠,想好似昭昭咁搵到真愛,佢婚禮當日,拋花球時我會搶接!其實佢同王維德都好似天使,喺我身邊支持我!」

昭昭被歌聲感動



昭昭坦言要王瑋在其婚禮上獻聲:「我12月7日舉行婚禮,已經搵咗王瑋做嘉賓,我試過聽佢唱歌感動到喊,佢嘅歌聲感染到聽眾,我亦喺佢身上睇到神畀佢嘅愛,知佢有見證音樂會,我好想參與!」而王維德則說:「記得初認識王瑋,佢已經好交心,佢話我帶佢去藝人之家,幫咗佢,其實呢啲係神嘅帶領,所以佢搞音樂會,我一定支持。(你都等愛?)等神嘅帶領,只要性格、感覺夾得嚟就好!」

文:影視組

攝:劉智源

場地:BigEchoi-Box

王瑋化妝/髮型:[email protected]

服裝:龐蓓公司

贊助商:

討論:
分享: