政情:鬍鬚曾自爆新搞作 偷步開咪疑冇申報


2017-10-13 07:00

跟蹤提及過的人和物:

上一則新聞: 政情:姚羅棄東華 葉劉不攻「頂」中西區混戰變隻揪

 

今年初離開政府嘅前財政司司長曾俊華(鬍鬚曾)偷步到電台開咪?鬍鬚曾近日喺Facebook自爆新動向,喺即將來臨嘅周日(15日)開始,逢周日晚上喺商台開咪,佢聲稱係借呢個機會向年輕聽眾分享六、七十年代音樂。

連同今次自爆到商台開咪,鬍鬚曾已經係第二次被發現疑有新動向,上次係被傳媒踢爆,喺港大政治及公共行政學系網頁嘅教職員名單中有鬍鬚曾嘅名字,顯示佢係「客席教授」,但究竟鬍鬚曾有冇將開咪或任客席教授一事向政府當局申報,若果冇申報,政府係咪應該作出懲處?

特首辦:未收到通知



特首辦喺晚上回覆查詢,就揭示曾俊華未曾就離職後一年內擔任嘅工作作出通知。特首辦指出,政治委任官員如欲在離職後一年內展開任何工作,喺任何商業或專業機構出任董事或合夥人,或獨資或與他人合資經營任何業務或專業服務,必須事前徵詢前任行政長官及政治委任官員離職後工作諮詢委員會(諮詢委員會)嘅意見。該諮詢委員會至今未有收到曾俊華就擬於離職後一年內擔任嘅工作所提出徵詢意見嘅要求。

商台對外事務部回覆本報查詢,確認曾俊華將會喺該台主持一個節目,身份係商台嘅嘉賓主持,至於節目有幾多集,主要視乎曾俊華嘅時間同安排,而商台希望可以成為長壽節目。

贊助商:

討論:
分享: