許靖韻月供萬五靠慳「上車」


2017-10-13 07:00

跟蹤提及過的人和物:


上一則新聞: 阿Sa慳番筆同阿嬌齊結婚

 

年僅24歲歌手許靖韻最近與母親扑錘買樓,一想到長遠要供樓即呻有壓力!雖然做歌手收入不穩定,幸好她平日是慳妹一名,不會亂花錢追名牌,絕對儲到錢供樓!

現今香港樓價高企,不少年輕人都擔心將來未能「上車」置業,但90後的英皇歌手許靖韻(Angela)最近與母親購入英皇集團旗下、價值500萬以下的一房單位,榮升業主!她坦言近年雖與母親有意買樓,但當日只打算齋睇樓,從沒想過會即時扑錘:「咁啱個籌好好,覺得有個好嘅機會,今次公司又包借,我哋覺得唔麻煩,又唔使拎好多錢出嚟先買!我哋都係拎咗一成出嚟。」

學識溝通爭取改歌路



因事出突然,Angela未決定可會自住,自言現時覺得忐忑及有壓力:「因為仲要供,一個月供萬五蚊左右,好似好長遠咁,但又唔係超級吃力嘅!我都希望我自己供晒,始終我後生啲,可以做嘢多好多。」她亦自認平日生活節儉,儲錢冇難度:「我係嗰啲買件衫都要諗幾次嘅人,同埋又唔會追名牌、使好多錢,係真係儲到錢嘅人。」

最近,Angela推出講述成長的新歌《琢磨》,希望鼓勵大家無懼地呈現自己最赤裸一面。她自覺在待人接物方面有最明顯的成長,透露加入公司頭兩年都不敢返公司,亦不會與同事傾偈:「我嗰時讀緊中學,嗰啲人全部都係大人,唔知點同佢哋溝通!嗰兩年好驚,但知道咁樣唔好,咁同事係唔知你諗咩同想點,所以喺揀歌、所有嘢會同佢哋有偏差。」Angela現時學會主動與同事溝通,近兩年的作品都能切合她的想法,年初時已與公司商討歌路及形象,方向非常明確:「之前幾年會唔知自己想點,但今年好明確,除咗音樂之外唔會諗其他嘢!我希望今年開始慢慢被認識到,感受到我係比較Wild啲、少少rock嘅一面,自己都會寫多啲唔同類型嘅歌。」

文:音樂組

攝:司徒國榮

化妝:KandyL.

髮型:[email protected]

場地:[email protected]

贊助商:

討論:
分享: