許志安:騷肌好奢侈!


2017-10-16 07:00

跟蹤提及過的人和物:

上一則新聞: 密宗星級善信

 

歌手許志安、AGA(江海迦)及太極樂隊前晚到金鐘為音樂會暨時裝騷表演,同場有名模馬詩慧、周汶錡、薛芷倫、貝安琪、Rosemary、伍靜麗及龐景峰等。

安仔首次開露天騷,感覺相當開心,但因舞台頗高,又有一眾Model行騷,笑言不敢亂郁:「企佢哋側邊會顯得自己好矮,我唱歌時已經企高一級,佢哋都同我平排!(咁多女Model行來行去有冇分心?)我不嬲唱歌好專業,只係覺得個畫面好浪漫,班女仔着住晚裝,都幾適合首情歌,我冇諗其他嘢呀!(目不斜視?)要望吓交流吓……望吓都得啩!」早前安仔表示要再操肌,問是否隨時Ready除衫?他笑說:「我見到啲人有肌肉,就覺得好奢侈,因為要花好多時間練,前排我去北京做四日宣傳,當地食物比較肥膩,我有跑步都重咗,等得閒再練!」

至於AGA身穿造型師設計的黑色低胸連身開衩晚裝,性感騷兩吋事業線,她承認性感程度是個人突破:「盡量畀信心自己表現得唔怕醜,事前真係好擔心,好少着到咁女仔、咁高貴,個台都幾高,又打風,所以要禱告,希望順利。」

贊助商:

討論:
分享: