張繼聰42吋橫「胸」降世 「元祖」家輝都要摸


2017-10-23 07:00

跟蹤提及過的人和物:

上一則新聞: C AllStar後會無期缺錢免談!

 

藝人張繼聰為新片狂操兼一下子增肥30磅,操出42吋胸肌,連「第一代大隻佬」張家輝亦禁不住出手摸,但阿聰自言不能與家輝比較,又打趣「變身」後晚上有兼職!

張繼聰昨午西裝筆挺,與韓君婷、雨僑、張建聲及鄧洢玲等出席娛樂公司開幕活動。雖然包到冚,但阿聰仍被發現「打橫發展」,整個人大了至少「一個碼」!他解釋因要投入新片角色而加緊操練:「由本來144磅變成174磅,胸圍42吋。呢排拍《誇世代》宣傳片,服裝部都唔敢叫我着番舊戲服,不過依家套新戲可能由明年押後到後年先開,我仲要去學某種運動,因為拍體育片。(睇肉?)都要露吓!」

當記者笑指阿聰挑戰張家輝,阿聰即說:「近排有見過佢,佢雙手喺我身上游走!佢係第一人,冇人超越到嘅!(咁大隻可以做保鏢?)夜晚冇嘢做去搬貨!」

輪到謝安琪「揩花」條軨



談到日前泊車發生意外,阿聰笑言不要再提其傷心事:「今次感受到人間有情,收到幾千個短訊,仲跟住我撞車張相嚟畀dislike手勢,我儲晒世界各地嘅dislike喇!爸爸幫我補啲油,遲啲先去大修,大家以後見到我泊車,識做走遠啲。」不過,繼阿聰發生交通意外後,太太謝安琪一樣出事!昨日他爆料指謝安琪「揩花」其座駕的車軨,指太太連聲不好意思,他說:「我同老婆講唔緊要,軨係要揩花,最緊要人冇事。」

另外,對於謝安琪簽約麥浚龍公司旗下,阿聰說:「好放心嘅,佢依家以照顧小朋友為主,就算係(復出)都出年嘅事,出年成年好長嘅。」

文:影視組

贊助商:

討論:
分享: