坤坤滿足心願打曾志偉


2017-11-15 07:00

跟蹤提及過的人和物:

上一則新聞: 吳業坤包養「二奶」秘租九龍塘私竇

 

吳業坤現時開支大,故要出盡奇謀搵錢。前晚他為無綫《綜藝精彩50年我愛EYT》節目綵排時,穿上自家製衞衣示人,更肥水不流別人田,自抽金句「食好西」的水,衫上印有「EatGoodWest」字樣,他說:「件衫係同朋友夾份搞,我有份設計。(會唔會出埋『女平』、『釣人食飯』系列?)要睇吓諗唔諗到有啱嘅設計,好似我戴緊呢頂綠色帽都係,要有啱嘅Idea先去設計。(諗住公開發售?)有可能,自己除咗開舖賣西裝外,想試吓設計Tee!」他又指有份參與《EYT》滿足了心願:「之前想上《獎門人》,結果喺最後一輯上到,依家又夢想成真上埋《EYT》,仲要打曾志偉添,唔知到時敢唔敢打落去!」

同場的黃智雯則坦言最鍾意是抽幸運星環節,說到今次最豐富的獎品是車,自言有抽獎運的她說:「我都有問係模型定咩車?佢哋話係真車!」

贊助商:

討論:
分享: