宅男張振朗怕醜唔想知


2017-11-15 07:00

跟蹤提及過的人和物:

上一則新聞: 姣誘陳豪 陳偉琪嗌好玩

 

龔嘉欣將於新劇中以泳裝落水,但她昨日開鏡拜神時卻指尚未拍攝:「呢幾日唔方便!」令宅男上身的張振朗扮怕醜說:「我唔想知!」當嘉欣指發現宅男好處時,張振朗即自稱有宅男一面,令女方露出質疑神情,場面搞笑。

藝人龔嘉欣、張振朗和劉佩玥等,昨日在將軍澳電視廣播城出席無綫新劇《堅離地愛堅離地》拜神儀式。提到飾演「女波士」的龔嘉欣早前透露有落水戲份,她指尚未拍攝:「呢幾日唔係太方便!」令演宅男的張振朗都忍不住怕醜笑說:「我唔想知呀!」

咀戲嫌悶



嘉欣又透露在台慶劇《誇世代》都有類似場面,昨晚播出的一集她開始出場:「之後會同Ali(李佳芯)有床戲,兩個都好性感!(會咀?)未試過咀女仔,想知SheShe係點!」而非常入戲的張振朗聞言即發揮宅男本色,笑說:「聽人講女仔嘅嘴唇好軟熟!」跟他有不少咀戲的嘉欣就懶理他說話:「同佢錫太多次,好嫌棄,依家想錫Ali!」

問到張振朗若要獻出HeHe之吻,會揀哪位男演員?他即笑指會揀王浩信,更打算試其技巧,勁重口味。問現實中會否考慮同宅男拍拖?嘉欣自言接拍此劇後,開始發現宅男的好處:「暖男嘅感覺,會成日令你好開心。」振朗聞言即自認有宅男一面,喜歡留在家中睇戲,令嘉欣露出不相信的表情,振朗問她:「你唔信?(你唔係自己一個人喺屋企!)哈哈哈!其實個角色我都有參考兩個姪,佢哋成日講無聊嘢。」

文:影視組

贊助商:

討論:
分享: