廣播道$1300都租到?森美高峰期4個車位


2017-11-15 07:00

跟蹤提及過的人和物:

上一則新聞: 車位價癲逾500萬

 

九龍區廣播道一帶的車位出租價格起跳約1,300至1,700元不等,相比鄰近的黃大仙及樂富區出租車位要2,600至3,200元不等,廣播道的價錢夠晒「平民化」,所以在該處上班的電台DJ大都醒目地租用。

DJ森美每日都會返電台主持節目,他說:「廣播道車位係平(0架),因為廣播道每幢大廈都有自己車位,而且又喺市區,供應都好多,我高峰期喺嗰度都有四個車位,係咪好誇張?其實唔係,因為我都喺呢度住,本身有兩個,我又收藏啲舊嘅古董車,所以租多兩個囉!平均都係千幾蚊一個月左右,加上我哋藝人算係好租客,準時交租,藝人又平啲啲,喺市區一千蚊頭有個車位喎,同爛地價冇乜分別,所以呢度好多大廈嘅車位都係平嘅。」

朱薰:貪平要畀代價



電台DJ朱薰則透露多年前也曾租廣播道的住宅車位,月租只需一千元,但貪平卻要付出代價:「嗰啲位唔係人人啱泊,啲位好窄,只泊到細車,泊好後要拍埋倒後鏡,同埋要行一段路先返到廣播道。」由於她嫌嘥腳骨力,加上老公要換大車,故現時寧願泊8元一小時的街錶。同樣選擇泊錶位的DJ少爺占搞笑上身,自言曾租千多元的住宅車位,最後因太平而放棄:「就係嫌太平唔敢再租,怕啲車位自動浮、自動沉。」

贊助商:

討論:
分享: