政情:怪漢撒單張大叫 搗亂陳學鋒議辦


2017-11-15 07:00

跟蹤提及過的人和物:

上一則新聞: 政情:3‧11撞正兩會立會補選不改期

 

議員辦事處遭人破壞嘅事件時有發生,而中西區區議會副主席陳學鋒嘅議員辦事處尋日亦出事,遭人搗亂而搞到一地單張,最終需要報警處理喇!

陳學鋒話尋晚因要開會而冇返辦事處,但就突然收到員工通知,所以會議完結後就第一時間趕返去了解情況。佢話事發時有一名男子走到辦事處嘅玄關位,拎起一疊有關健身嘅單張掟向辦事處嘅玻璃門,其後大叫一聲,又搞到遍地單張就立即離去,雖然有關行為未有導致任何人受傷,但員工就被嚇親。

佢仲話近一至兩年多咗呢類個案,但最多都係拍打玻璃門就離開,未有實際嘅搗亂行徑,所以為咗保障員工,早前就為辦事處嘅玻璃門加上電鎖,街坊需要按門鐘通知員工開門,先進入到辦事處。而佢更透露,因為事出突然,加上該名男子迅速離開,所以未能認出其容貌,現時交畀警方處理喇。其實政見點唔啱都好,都唔使搞破壞吖!

贊助商:

討論:
分享: