政情:管理港鐵 馬時亨靠三個「ion」


2017-11-15 07:00

跟蹤提及過的人和物:

上一則新聞: 政情:怪漢撒單張大叫 搗亂陳學鋒議辦

 

一個企業成功與否,除咗好睇理念之外,管理模式都好重要。港鐵主席馬時亨又用乜嘢模式去管理咁龐大嘅團隊呢?原來係憑三個「ion」。

馬時亨尋日獲香港管理專業協會頒授實務教授榮譽,佢事後亦有分享多年嚟嘅管理心得,佢話好簡單,就係三個「ion」。乜嘢意思?即係「vision,execution同communication」。

佢話自己舊年年頭上任港鐵主席嘅時候,已經第一時間同近千名經理級嘅管理層同事,分享呢三個「ion」嘅重要性,即係目光要遠大、執行要利落、溝通要全面,董事局、管理層同員工各司其職,應用喺日常工作上,令港鐵嘅網絡不斷喺本地同海外拓展咁話。

其實,與馬時亨同樣獲頒實務教授榮譽嘅仲有人稱「設計之父」嘅本地著名設計大師靳埭強,以及知名工業家、有棉花公主之稱嘅楊敏德,以表揚佢哋對管理發展嘅貢獻。

贊助商:

討論:
分享: