陳凱琳晒身材鄭嘉穎嫌薄


2017-11-15 07:00

跟蹤提及過的人和物:

上一則新聞: 欣宜斷腳復工預告勁舞開騷

 

前港姐冠軍陳凱琳(Grace)與韓君婷昨日出席活動,穿露背金色DeepV長裙大騷事業線的Grace稱,作為嘉賓要打扮得隆重一點:「我媽咪見到條裙叫我着埋去台慶,都有得諗。」她透露已挑選台慶服飾,會穿高領裝:「上次露咗腳,想每個場合露唔同線條,同埋台慶啲女仔好勁。」她自認細粒,但比例平均:「選美時曾經擔心會輸蝕,但從小就呢個比例,對自己有信心最重要。(男友鄭嘉穎滿意你身材?)佢話有啲薄,但我冇刻意節食,最緊要健康,我媽媽都係偏瘦。」

聖誕甜蜜外遊



有指Grace日前從日本旅遊回港,享有特權不需要排隊登機,她解釋:「其實我買咗商務客位,本身有排次序,每間航空公司都有。」她稱與家人一齊旅行,玩得好開心,並指嘉穎因工作撞期未有同行,正計劃聖誕節外遊拍拖:「好期待,最好唔好送禮物,好難諗,打算去熱帶地方。(鍾意喺熱帶地方結婚?)冬天凍,梗係想去呢啲地方。(會閃婚?)唔會。」

文:名人組

贊助商:

討論:
分享: