張繼聰工作排到明年


2017-12-05 07:00

跟蹤提及過的人和物:

上一則新聞: 李璨琛老婆肚凸凸慢步出巡

 

藝人張繼聰、陳慧琳(Kelly)、朱千雪及曾志偉昨日出席「TVB周刊第10屆最強人氣品牌大獎2017」。阿聰因經理人公司與無綫發生官司糾紛而遭封殺,他表示廣告工作未有因此而減少,正在與客戶洽談續約及商演。

懶理閒言閒語



談到太太謝安琪(Kay)將復出,問到會否怕因自己遭封殺而要太太搵錢?阿聰笑說:「對呢啲閒言閒語,我可以話係專家,今時今日呢啲說話入唔到我五公里,點樣都有人講,唔會有壓力,我依家心態好健康,太太復出梗係想佢全力做好自己嘅嘢,我嘅工作已經落實排到出年。」談到他在社交網上載與細女張靖玩耍的照片,並留言:「該名男士玩到成個昏君咁,該名少女(Karina)以瘋狂眼神向該名男士嘅老婆示威。」張繼聰冧爆說:「我梗係冧啦!老婆都覺得搞笑。佢(囡囡)係有呢鋪癮,但有時好識做,一見到媽咪會飛撲去佢度,要媽咪抱。」

Kelly聖誕唔出埠



同場的Kelly獲頒「最強人氣廣告天后」,表示聖誕不會去旅行,只打算帶囝囝去主題公園遊玩。朱千雪則奪得「最強人氣廣告新人王」獎。此外,曾志偉未有為今年的《歡樂滿東華》擔任司儀,他解釋內地的夢參和尚日前離世,自己是治喪委員會會員,所以到五台山送對方最後一程。

贊助商:

討論:
分享: